Merched y Wawr Cangen Cwm Rhymni yn ymweld â gardd Fferm Croesllanfro yn Nhy Du ger Casnewydd

Description

Merched y Wawr Cangen Cwm Rhymni yn ymweld â gardd Fferm Croesllanfro yn Nhy Du ger Casnewydd
Ers blynyddoedd bellach, yn ystod yr haf, rydym yn mynd ar ymweliad gyda’r nos â gardd leol. Dyma ni, aelodau cangen Cwm Rhymni, yng ngardd Fferm Croesllanfro yn Nhy Du (Rogerstone, ger Casnewydd). Un o erddi ydyw sy’n perthyn i’r Cynllun Gerddi Cenedlaethol a felly aeth ein tal mynediad tuag at elusennau a benodwyd eisoes gan y Cynllun.
Roedd yn noson braf a chawsom groeso heb ei ail gan Liz a Barry Davies yn eu cartref arbennig a achubwyd pan yn adfeilion a’i atgyfodi i’w ysblander presennol. Dangoswyd luniau i ni o weddnewidiad yr adeiladau, gan gynnwys y ty, ysgubor y degwm o’r 19 ganrif cynnar a dwy erw o ardd, lle roedd digon o gorneli tawel, prydferth i guddio er mwyn synfyfyrio. Cawsom lased o win tra’n sgwrsio â'r perchnogion a oedd wedi dotio ar y ffaith bod grwp Cymraeg eu hiaith wedi glanio yn eu gardd ac yn synnu ein bod yn cymdeithasu’n hollol gartrefol a naturiol yn y Gymraeg.

Yn y llun mae GRWP O AELODAU TU FAS YSGUBOR Y DEGWM AR FFERM CROESLLANFRO, TY DU, GER CASNEWYDD
1. JENNI JONES ANNETTS
2. DILYS WILLIAMS
3. GWYNETH DAVIES
4. JANET CUMPSTONE
5. ELIN JONES
6. ANWEN HILL
7. EIRLYS THOMAS
8. MAUREEN POTTER
9. JANET LEWIS
10. GAYNOR WILLIAMS
11. WILMA DAVIES
12. SIAN JOHN